12 nëntori i vitit 2024 do të mbetet një ditë e hidhur dhe e paharrueshme për familjen Slivova nga Klina. Pasditen e këtij dita tragjik, Rexhep dhe Albison Slivova humbën jetën nga duar të një 19-vjeçari, Jon Hoti, në një akt dhune që shkatërroi gjithçka që ata kishin ndërtuar.
Rexhepi kishte shkuar në mëngjes për të blerë një tortë për nënën e tij, duke pasur një gëzim të madh në zemër. Dita po premtonte gëzim dhe dashuri, por gjithçka u shndërrua në një makth të pafund.
Pak orë më vonë, lajmi i kobshëm mbërriti: Rexhepi ishte vrarë në mënyrë tinëzare, dhe ditëlindja e nënës së tij, që kishte nisur me aq shumë shpresa dhe emocion, u kthye në tragjedi. Nëna e tij, në mes të dhimbjes dhe trishtimit, mori lajmin e paimagjinueshëm që i shkaktoi një dhimbje të thellë, e cila do ta shoqëronte për gjithë jetën.
Ndërkohë, autori i kësaj vepre të tmerrshme, 19-vjeçari Jon Hoti, ndodhet ende në paraburgim, ndërsa familja Slivova mbetet e shkatërruar, e lënë përballë një humbjeje që asnjë fjalë nuk mund ta shprehë. Një ditë e zakonshme për të festuar jetën u shndërrua në një kujtim të dhimbshëm, që do të mbetet përjetësisht në kujtesën e familjes dhe të gjithë atyre që i njohën.
