Një incident i rëndë ndodhi sot në shkollën e fshatit Shirok në Suharekë, ku një qen sulmoi katër nxënës. Policia reagoi menjëherë dhe vrau qenin për të ndaluar agresionin.
Pronari i qenit, Hasan Gjesha, u arrestua dhe përfundoi në mbajtje. Ai dyshohet se ka lënë pa mbikëqyrje qenin, duke shkaktuar rrezik të përgjithshëm.
Dy nga katër nxënësit që u sulmuan kanë marrë plagë serioze dhe janë dërguar për trajtim në Spitalin Rajonal të Prizrenit, ndërsa dy të tjerët janë liruar.
Prokurori i Shtetit ka urdhëruar masën e ndalimit për Gjeshën dhe ka nisur hetimet për rastin.
