Ajri i ndotur ka përfshirë të gjithë rajonin, duke prekur Bosnjën e Hercegovinën dhe Maqedoninë e Veriut, ndërsa Kosova po përballet gjithashtu me një situatë shqetësuese. Në ranglistën e IQAir, që mat cilësinë e ajrit në nivel global, Sarajeva renditet në vendin e parë për ajrin më të ndotur në botë, me 428 pikë, duke e cilësuar si të rrezikshëm për shëndetin.
Në këtë ranglistë, Prishtina është e 13-ta, me 161 pikë, që konsiderohet si e pashëndetshme për grupet e ndjeshme. Ky rezultat është alarmant, pasi tregon një problem të madh për cilësinë e ajrit dhe ndikimin që ka ai në shëndetin e qytetarëve. Ajri i ndotur po bëhet gjithnjë e më i dëmshëm, duke rritur rrezikun për shëndetin publik.
Situata është gjithashtu shqetësuese për jetesën në kryeqytet, pasi ndotja e ajrit po rëndon çdo ditë e më shumë jetën e banorëve. Nevojitet një angazhim i madh për të përmirësuar cilësinë e ajrit dhe për të mbrojtur shëndetin e qytetarëve në të ardhmen.
